NASTO PPA: ស្លៀកពាក់លេចលើលេចក្រោមទៅក្រេបចំណេះវិជ្ជា ឬបង្អួតរាង?

ស្ថិតក្នុងសម្លៀកបំពាក់ខោខូវប៊យខ្លីលើជង្គង់ពាក់អាវយឺតម៉ូដ ចំហទ្រូងកាបូបខ្លីស្ពាយចំហៀងពណ៌សស្បែកជើងកែងខ្មៅក្រចកដៃរូប ផ្កាពណ៌ស្វាយសក់ពណ៌ទឹកដោះគោស័ក្តិសមនឹងការតុបតែងផ្ទៃមុខសិច ស៊ីជានារីម្នាក់កំពុងធ្វើដំណើរលើដងវិថីជាមួយនឹងម៉ូតូស៊េរី ថ្មីដែលធ្វើឲ្យអ្នកនៅជុំវិញខ្លួនបានឃើញហើយត្រូវតែបាញ់កន្ទុយ នេត្រាទៅរកនាង។

បើសិនជាយើងក្រឡេកតែមួយភ្លែតប្រហែលជាស្មានថានាងកំពុងតែ ធ្វើដំណើរទៅចូលរួមកម្មវិធីអ្វីមួយឬទៅដើរលេងនៅទីណា។

ប៉ុន្តែ តាមពិតទៅយុវតីពូកែលេងខ្លួនសិចស៊ីរូបនេះគឺកំពុងតែជិះម៉ូតូទៅ សាលារៀនគួរទៅវិញទេ។តើរូបភាពបែបនេះស័ក្តិសមនឹងក្មេងសិស្ស សាលាទៅរៀនគួរដែរឬទេ?ហើយតើការស្លៀកពាក់ទៅរៀនគួរបន្ថែមបែប នេះ ជាចំណូលចិត្ដឬបណ្តាលមកពីកត្តាផ្សេង?

ស្របពេលសង្គមកំពុងរត់ប្រណាំងនឹងសាកលភាវូបនីយកម្មយុវវ័យមួយ ចំនួនជាពិសេសសិស្សសាលាក៏កំពុងតែចាប់យកនូវអ្វីដែលថ្មី ហើយប្លែកផងដែរ។ការលេងស្ទីលស្លៀកពាក់លេចលើលេចក្រោមរបស់យុវតី មួយចំនួនខាងលើនេះគ្រាន់តែជាឧទាហរណ៍ជាក់ស្តែងមួយប៉ុណ្ណោះ។

បើតាមការសង្កេតរបស់លោកគ្រូ ប៉ុក ច័ន្ទដារិទ្ធជាសមាជិកអចិន្ត្រៃយ៍ក្រុមប្រឹក្សាភិបាលនៃក្រុម ប្រឹក្សាយុវជនវិទ្យាល័យ ឥន្រ្ទទេវី និងជាគ្រូគណិតវិទ្យាជាង១០ឆ្នាំបានឲ្យដឹងថាសិស្សសម័យឥឡូវចូល ចិត្តតុបតែងខ្លួនច្រើននិងខុសប្លែកជាងមុន។សិស្សមួយចំនួនភ្លើត ភ្លើនជាមួយនឹងសម្ភារ និងការតុបតែងខ្លួនជ្រុលហួសហេតុក្នុងពេលសិក្សា។

ក្នុងនាមជាសិស្សយើងត្រូវខិតខំរៀនសូត្រមិនមែនខិតខំតុបតែង ខ្លួនប្រណាំងប្រជែងគ្នាទេ។ដោយសារតែវាអាចបង្កជាបញ្ហានិងផល ប៉ះពាល់ផ្សេងៗដល់ពួកគេក្នុងវ័យសិក្សាទើបបានជាសិស្សានុសិស្ស ទាំងអស់មិនគួរតុបតែងខ្លួនឲ្យលើសពីព្រំដែនកំណត់ពេលមករៀន។

យុវតី អ៊ឹង ចាន់ណា ជាសិស្សវិទ្យាល័យមួយរូបបានឲ្យដឹងថា៖«ខ្ញុំចូលចិត្តតុបតែង ខ្លួនពេលទៅដើរលេងប៉ុន្តែសម្រាប់ពេលទៅរៀនខ្ញុំមិនដែលស្លៀកពាក់ អ្វីឲ្យសិចស៊ីឡើយព្រោះវាជាកន្លែងរៀនសូត្រហើយម្តាយរបស់ខ្ញុំ តែងតែអប់រំខ្ញុំឲ្យធ្វើដូច្នេះផងដែរ»។

លោក គ្រូ ច័ន្ទដារិទ្ធបានបញ្ជាក់ថា៖«សិស្សភាគច្រើនដែលគិតតែពីរឿងតុប តែងខ្លួនឲ្យស្អាតមុនពេលមករៀនពិតជាធ្វើឲ្យការសិក្សាពុំទទួល បានលទ្ធផលល្អព្រោះធម្មតាបើតុបតែងខ្លួនគឺប្រាកដជាចង់ទទួលបាន ភាពទាក់ទាញ។ទាំងអស់នេះធ្វើឲ្យពួកគេសេពគប់មិត្តភក្តិច្រើន ចេះមានស្នេហាចេះដើរលេងឬប្រព្រឹត្តអ្វីផ្សេងពីនេះដែលនាំឲ្យ ពួកគេភ្លេចការសិក្សា»។

ទន្ទឹមនឹងនេះមានសំណួរចោទឡើងថាហេតុអ្វីបានជាសិស្សសាលាទាំង នោះស្លៀកពាក់ឆើតឆាយនិងតុបតែងខ្លួនឲ្យសិចស៊ីពេលទៅរៀន?

មានកត្តាជាច្រើនដែលជះឥទ្ធិពលដល់សិស្សតុបតែងខ្លួនជ្រុលហួស ហេតុទាំងមិនទាន់ពេញវ័យនិងកំពុងពេញវ័យក្រៅពីកត្តាសង្គមកត្តា គ្រួសារពិតជាសំខាន់ក្នុងការបត់បែនពួកគេផងដែរ។ថ្វីដ្បិតតែ គ្រួសារតូចជាងសង្គមខាងក្រៅប៉ុន្តែគ្រួសារគឺជាកន្លែងមួយដែលពួក គេចាប់ផ្តើមជីវិតហើយគ្រួសារបានដើរតួនាទីសំខាន់នៅក្នុងការអប់រំ ប្រៀនប្រដៅ និងអូសទាញកូនៗកុំឲ្យដើរផ្លូវមិនល្អ។

លោក ស្រ៊ុន ហួរ ជាសាស្ដ្រាចារ្យផ្នែកចិត្តវិទ្យានៃសាកលវិទ្យាល័យភូមិន្ទភ្នំពេញ បានលើកឡើងថា៖«ដើម្បីជួយកូនៗរបស់ខ្លួនចៀសផុតពីអំពើខុសឆ្គង ផ្សេងៗយើងត្រូវអប់រំពួកគេតាំងពីនៅក្នុងគ្រួសារម៉្លេះពោលគឺ ចន្លោះពីអាយុ១ឆ្នាំដល់៦ឆ្នាំព្រោះនេះជាពេលដែលពួកគេនៅតែជា មួយគ្រួសារតែមួយគត់»។

លោកបានបន្ថែមថាមិនត្រូវរង់ចាំដល់ពួកគេពេញវ័យ១៥ឬ១៦ឆ្នាំ ឃើញពួកគេខុសទើបមកប្រដៅនោះទេ ព្រោះវ័យនេះជាវ័យដែលពួកគេចូលរួមក្នុងសង្គមច្រើន។ដូច្នេះអ្វី ដែលមានឥទ្ធិពលលើពួកគេច្រើនគឺមជ្ឈដ្ឋានជុំវិញខ្លួនជាពិសេសមិត្ត ភកិ្តរបស់ពួកគេ។

កត្តាមួយទៀតដែលធ្វើឲ្យសិស្សងុបងល់នឹងការតុបតែងខ្លួនក៏អាច ណ្តាលមកពីគ្រួសាររបស់ខ្លួនដោយផ្ទាល់និងប្រយោលផងដែរ។ថ្វីដ្បិត តែឪពុកម្តាយចង់ឲ្យកូនល្អប៉ុន្តែនៅពេលដែលព្យាយាមផ្តល់ឲ្យ ឬផ្គត់ផ្គង់កូនច្រើនខ្លាំងពេកបែរជាធ្វើឲ្យពួកគេភ្លើតភ្លើនទៅ វិញ។យ៉ាងណាមិញគ្រួសារខ្លះហាមកូនមិនឲ្យស្លៀកពាក់ជ្រុលហួស ហេតុទៅសាលាប៉ុន្តែឪពុកម្តាយឬសមាជិកដទៃទៀតក្នុងផ្ទះចូលចិត្ត ស្លៀកពាក់សិចស៊ីដែលក្លាយជាគំរូអាក្រក់ដល់ពួកគេទៅវិញ។

ដូចសុភាសិតបុរាណមួយឃ្លាពោលថា៖«ស្លឹកឈើជ្រុះមិនឆ្ងាយពីគល់ »។បើឪពុកម្តាយធ្វើយ៉ាងម៉េចនោះកូនៗនឹងយកតម្រាប់តាមអ៊ីចឹងដែរ ។ជាមួយគ្នានេះលោកសាស្ដ្រាចារ្យបានបញ្ជាក់ដែរថាឥទ្ធិពលគ្រួសារ ដែលជាគំរូមិនល្អដល់កូនពិតជាឆាប់ឆ្លងដល់ពួកគេ។ដូច្នេះឪពុក ម្តាយឬបងៗគ្រប់រូបត្រូវចេះបង្ហាត់បង្រៀនកូនដោយធ្វើជាគំរូល្អ ដល់ពួកគេ។

ក្នុងនាមជាម្តាយម្នាក់អ្នកស្រី កាយ សុវណ្ណារី មានកូន៤នាក់ក្នុងបន្ទុកបានបង្ហើបពីការគ្រប់គ្រងកូនៗក្នុង គ្រួសារថា៖«ខ្ញុំតែងតែអប់រំកូនៗរបស់ខ្ញុំដែលកំពុងរៀននៅ វិទ្យាល័យឲ្យខិតខំរៀនសូត្រដោយចៀសវាងការតុបតែងខ្លួនឬស្លៀក ពាក់ឆើតឆាយដូចតារាព្រោះពួកគេគឺជាសិស្សមិនមែនតួកុនឡើយ។ ខ្ញុំក៏តែងតែពន្យល់ពួកគេឲ្យដឹងពីតួនាទីរបស់ខ្លួនក្នុងនាមជា សិស្សអ្វីដែលសំខាន់គឺមានតែសៀវភៅនិងប៊ិកប៉ុណ្ណោះមិនមែនភាព ហ៊ឺហា ឡូយឆាយនោះទេ។ខ្ញុំពិតជាសប្បាយចិត្តចំពោះកូនៗរបស់ខ្ញុំព្រោះ ពួកគេតែងតែស្តាប់ដំបូន្មានខ្ញុំព្រមទាំងចេះដឹងពីតួនាទីរបស់ ខ្លួនទៀតផង»។

ការតុបតែងខ្លួនជ្រុលហួសហេតុងុបងល់តែលើសម្ភារនិយមក្នុងវ័យ សិក្សាមិនបានជួយអ្វីដល់ការរៀនសូត្ររបស់យើងឡើយ។ជាមួយគ្នានេះ ដែរគ្រួសារគឺជាកត្តាសំខាន់បំផុតមួយក្នុងការលើកស្ទួយពួកគឲ្យ នៅលើផ្លូវត្រូវ។ដូច្នេះដើម្បីក្លាយខ្លួនជាកូនល្អសិស្សល្អយើង គួរតែស្តាប់ដំបូន្មានឪពុកម្តាយនិងខិតខំរៀនសូត្រចៀសឆ្ងាយពី អ្វីដែលបំផ្លាញខ្លួនដូចជាការស្លៀកពាក់និងប្រើប្រាស់សម្ភារ ជ្រុលហួសហេតុ៕

ប្រភព ៖ LIFT

Saturday, February 2, 2013

ស្លៀកពាក់លេចលើលេចក្រោមទៅក្រេបចំណេះវិជ្ជា ឬបង្អួតរាង?

No comments:

Post a Comment