សកម្មភាពអនុវត្តធ្វើទឹកសណ្តែក

កាលពីថ្ងៃទី១២ ដល់ថ្ងៃទី១៣ ខែមករា ឆ្នាំ២០១៣ នៅអង្គការ NASTO

បានរៀបចំបើកវគ្គបណ្តុះបណ្តាលបច្ចេកទេសកែច្នៃផលិតផលកសិកម្ម

ដល់សិក្ខាកាមជំនាន់ទី១ ចំនួន០៦ រូបមកពីរាជធានីភ្នំពេញ ដូចមានក្នុងបញ្ជីរាយនាម។

ដំណើរការសិក្សាបានប្រព្រឹត្តទៅយ៉ាងរលូន និងមានការយកចិត្តទុកដាក់

និងចាប់អារម្មណ៍ខ្ពស់ពីសំណាក់សិក្ខាកាម។

កម្មវិធីសម្រាប់ថ្ងៃទី០១ 

កម្មវិធីសិក្សាចាប់ផ្តើមពីម៉ោង ៨ ព្រឹក ដល់ម៉ោង ១១ និង ៣០ នាទី

និងពេលរសៀលចាប់ពីម៉ោង ១៤ ដល់ម៉ោង ១៦ និង ៣០ នាទី

ដោយមានការធ្វើបទបង្ហាញពី លោក បាន រតនៈ នាយកប្រតិបត្តិអង្គការ NASTO

លើមុខវិជ្ជាដូចខាងក្រោម ៖

1. អនាម័យផ្ទាល់ខ្លួនក្នុងប្រព័ន្ធផលិតកម្ម
2. គ្រឿងបន្ថែមក្នុងអាហារ
3. តួនាទីសម្បកវេចខ្ចប់ និងផ្លាកសញ្ញា
4. ស្ទេរីលកម្ម និងប៉ាស្ទ័រកម្ម
5. របៀបធ្វើចេកបំពង
6. របៀបធ្វើសណ្តែកបំពងស្ករ
7. របៀបធ្វើដំណាប់ខាប់ប៉េងប៉ោះ
8. របៀបធ្វើដំណាប់ខាប់ម្នាស់
9. របៀបធ្វើទឹកអំពិល
10. របៀបធ្វើទឹកស្វាយ
11. របៀបធ្វើទឹកសណ្តែក

កម្មវិធីសម្រាប់ថ្ងៃទី០២

ពេលព្រឹកអនុវត្តធ្វើទឹកសណ្តែក និងធ្វើបទបង្ហាញបន្តពី ៖

1. របៀបធ្វើទឹកម្ទេស
2. របៀបធ្វើទឹកប៉េងប៉ោះ
3. របៀបធ្វើតៅហ៊ូ
4. របៀបធ្វើណែម

ចុងក្រោយនៃកម្មវិធីសិក្សាមានការចែកវិញ្ញាបនបត្រដល់សិក្ខាកាម 

និងប្រកាសបិទវគ្គសិក្សាប្រកបដោយបរិយាកាសសប្បាយរីករាយ។

សម្រាប់កម្មវិធីសិក្សាបន្ទាប់ គឺបច្ចេកទេសធ្វើទឹកសាប៊ូលាងចាន 

ដែលនឹងសិក្សានៅថ្ងៃទី ១៦ ខែ មករា ឆ្នាំ ២០១៣