NASTO PPA: កង្វល់របស់ប្រជាពលរដ្ឋក្នុងពេលចូលរួមកាន់ព្រះរាជមរណទុក្ខ

កន្លែងទទួលផ្ញើម៉ូតូ

ស្ថិតក្នុងពេលដែលប្រជាពលរដ្ឋកម្ពុជាកំពុងតែកាន់ព្រះរាជមរណទុក ចំពោះការចូលសោយទីវង្សគ្គតរបស់ព្រះមហាវីរក្សត្រព្រះបិតា ឯករាជ្យជាតិសម្តេចព្រះបាទ នរោត្តមសីហនុមានជនខិលខូចមួយចំនួនឆ្លៀតឱកាសយកចំណេញតាមរយៈការ ដំឡើងថ្លៃផ្ញើ យានជំនិះ ហើយជនមួយចំនួនទៀតលួចប្រព្រឹត្តបទល្មើសដូចជាលួច ឆក់ជាដើម។រីឯអ្នកធ្វើដំណើរមួយចំនួនចតយានជំនិះមិនមានរបៀបរៀបរយ ដែលបង្កឲ្យមានការកកស្ទះចរាចរណ៍។

អ្នកចូលរួមម្នាក់ក្នុង ចំណោមអ្នកដែលចូលរួមជា ច្រើនដែលទៅទទួលព្រះបរមសពព្រះអង្គនៅថ្ងៃត្រឡប់មកវិញនិងជាអ្នក ដែលមកគោរពព្រះបរមសពអតីតព្រះមហាក្សត្រនៅមុខព្រះបរមរាជវាំងក្នុង ថ្ងៃទី២៣ជាថ្ងៃគម្រប់ខួប៧ថ្ងៃអ្នកស្រីឆុំសុភីវ័យ៦២ឆ្នាំបាន រៀបរាប់ពីថា៖ «ថ្ងៃនេះពិតមានមនុស្សច្រើនមែនទែនដែលស្ទើរតែរកកន្លែងដើរគ្មាន។ ខ្ញុំអាចនិយាយបានថាវាជាព្រឹត្តិការណ៍ប្រវត្តិសាស្រ្តមួយនៅ កម្ពុជាព្រោះប៉ុន្មានទសវត្សចុងក្រោយនេះវាជាលើកទីមួយហើយដែល ខ្មែរយើងបាត់បង់ព្រះមហាក្សត្រ»។

ជាមួយនឹងទឹកមុខសោកស្តាយ អ្នកស្រី សុភីបានបញ្ជាក់បន្ថែមថារូបអ្នកស្រីបានមកមុខព្រះបរម រាជវាំងនេះដើម្បីអុជធូបពីរបីដងហើយដែរប៉ុន្តែ ដោយសារតែការកកស្ទះចរាចរណ៍ខ្លាំងពេកនៅ ជុំវិញព្រះបរមរាជវាំងទើបគាត់មិនអាចមកជារៀងរាល់ថ្ងៃបាន។

កំពុង តែបំពេញភារកិច្ចយ៉ាងសស្រោកសស្រាំលោកស៊ីមសុខមន្ត្រីប៉ូលីសចរាចរ មួយរូបដែលទទួលប្រចាំការនៅច្រកមុខវត្តឧណ្ណាលោមបានឲ្យដឹងថា៖ «យើងព្យាយាមបញ្ចៀសការកកស្ទះចរាចរណ៍ ដោយមិនអនុញ្ញាតឲ្យមានការចូលយានយន្តទៅក្នុងបរិវេនហាមឃាត់ឬក៏ ចតនៅមុខច្រកចេញចូលនោះទេ»។

បើ ទោះជាមានការអះអាងយ៉ាងនេះក៏ដោយជាក់ស្តែងនៅតែមានយានយន្តម៉ូតូ និងម៉ូតូកង់បីមកឈប់ជាហូរហែដែលបង្កជាការកកស្ទះចរាចរពិសេសគឺ នៅពេលល្ងាចនិងពេលយប់។

ត្រង់ ចំណុចនេះលោក ស៊ីម សុខ ក៏បានអះ អាងទៀតថាខាងលោកមិនមានការអនុញ្ញាត ឲ្យចតគ្មានសណ្តាប់ធ្នាប់ទេ ប៉ុន្តែភាគច្រើនគឺការចតរបស់ម៉ូតូកង់បីដែលចតចាំភ្ញៀវ។ លោកស៊ីម សុខបានបន្តថា៖ «អស់ពីដេញមួយចូលមក មួយទៀតប្រាប់មិនចង់ឈ្នះទេ។ ខ្ញុំទទួលស្គាល់ថាទាំងអស់គ្នាមកទីនេះដោយសារតែចិត្តគោរព ស្រឡាញ់និងមកកាន់ព្រះរាជមរណទុក្ខព្រះមហាវីរក្សត្រប៉ុន្តែតួនាទី របស់ខាងខ្ញុំគឺថែរក្សាសុវត្ថិភាពអ្នកចូលរួម។ ដូច្នេះខ្ញុំសូមឲ្យពលរដ្ឋយោគយល់និងគោរពតាមការស្នើ របស់យើងផងដូចជាការមិនត្រូវចតឬឈប់នៅពីមុខឬក្បែរច្រកចេញចូល ព្រោះបើមានយានយន្ត មួយចតមួយទៀតប្រាកដជាមកចតដែរហើយ»។

ការ កកស្ទះចរាចរណ៍ជាបញ្ហាមួយទន្ទឹមនឹងនេះដែរយើងក៏ឃើញមានភាពមិន ប្រក្រតីផ្សេងទៀត កើតឡើងផងដែរដូចជាការដំឡើងតម្លៃផ្ញើម៉ូតូឬការបាត់របស់របរពី សំណាក់អ្នកមកកាន់ទុក្ខ។

ដោយ សារតែមានការកើនឡើងពីប្រជាជនមកប្រមូលផ្តុំកាន់មរណទុកឲ្យ សម្តេចតាមានឈ្មួញផ្ញើម៉ូតូមួយចំនួនតូចឆ្លៀតឱកាសដំឡើងថ្លៃផ្ញើ រហូតដល់២០០០រៀលឬ៤០០០រៀលសម្រាប់ម៉ូតូមួយគ្រឿងដែលតម្លៃទាំងនេះហាក់ ដូចជាហួស តម្លៃធម្មតា។

អ្នក ទទួលផ្ញើម៉ូតូមួយកន្លែងនៅក្រោយព្រះបរម រាជវាំងលោកប៉ិនសុភាពបានអះអាងថាមិនមានកើតករណីបែបនេះនៅកន្លែង របស់លោកទេជាទូទៅខាងលោកទទួលផ្ញើម៉ូតូមួយគ្រឿងតម្លៃតែ១០០០រៀល ប៉ុណ្ណោះ។

បុរស វ័យ២៥ឆ្នាំរូបនេះបានបន្ថែមទៀតថា៖ «ខ្ញុំមិនពេញចិត្តចំពោះការលួចដំឡើងថ្លៃរបស់ជនឆ្លៀតឱកាសទាំង នោះទេ។វាមិនត្រឹមតែធ្វើឲ្យមានការមិនពេញចិត្តពីសំណាក់មហាជន ទេប៉ុន្តែវាបានធ្វើឲ្យប៉ះពាល់ដល់អ្នកដែលប្រកបមុខរបរដូចគ្នា ដែរ»។

រីឯ កញ្ញាលីដាជាអ្នកធ្លាប់បានយកម៉ូតូទៅផ្ញើហើយត្រូវបានគេគិត ថ្លៃ២០០០រៀលក្នុងម៉ូតូ មួយគ្រឿង។ កញ្ញាបានត្អូញត្អែរថា៖ «ខ្ញុំគិតថាវាហួសហេតុពេកហើយទាំងអស់គ្នាមកដើម្បីធ្វើបុណ្យ ប៉ុន្តែកន្លែងផ្ញើបែរជាឆ្លៀតឱកាសនេះកេងចំណេញ ជ្រុលទៅវិញ។ម៉្យាងទៀត ខ្ញុំជានិសិ្សតមកពីខេត្តមិនសូវមានលុយអីច្រើនដូចគេទេ»។

អ្នក ដែលត្រូវចោរលួចទូរស័ព្ទដៃក្នុងពិធីនោះដែរ អ្នកនាងស៊នហ៊ុងជាបុគ្គលិកនៃសណ្ឋាគារភ្នំពេញបានបញ្ជាក់ថា៖« ខ្ញុំបានបាត់ទូរស័ព្ទម៉ាក Samsung Galaxyនៅក្នុងកម្មវិធីបុណ្យ៧ថ្ងៃនៃការកាន់ព្រះរាជមរណទុក្ខរបស់ សម្តេចតា។ពេលនោះក្រុមហ៊ុនរបស់ខ្ញុំធ្វើការចែកទឹកសុទ្ធជូន ដល់ប្រជាពលរដ្ឋដែលបានអញ្ជើញមកកាន់មុខព្រះបរមរាជវាំង»។

មុន ពេលបាត់ ខ្ញុំដាក់ទូរស័ព្ទក្នុងហោប៉ៅអាវធំរបស់ខ្ញុំ ហើយរវល់តែចែកទឹកសុទ្ធ។ពេលនោះមិនមែនមានតែខ្ញុំទេដែលបានបាត់ ទូរស័ព្ទខ្ញុំក៏បានឮថាមានអ្នកចូលរួមផ្សេងទៀតដែលជាសិស្សសាលា បានបាត់ទូរស័ព្ទដែរ។

អ្នក នាងបានបន្តថា៖ «ខ្ញុំមានអារម្មណ៍សោកស្តាយណាស់។ ធម្មតាទេកុំថាឡើយទូរស័ព្ទតម្លៃរាប់រយដុល្លារ សូម្បីតែរបស់តម្លៃត្រឹមតែ៥ដុល្លារក៏ខ្ញុំស្តាយដែរ»។ អ្នកនាងបានចែករំលែកនូវយោបល់ ផ្ទាល់ខ្លួនថាចំពោះអ្នកដែលមានបំណងចង់ចូលរួមកម្មវិធីដែលមាន មនុស្សច្រើនបែបនេះសូមប្រយ័ត្ននូវរបស់ផ្ទាល់ខ្លួនដែលមានតម្លៃ។

ទាក់ ទិនទៅនឹងបញ្ហាអសកម្មខាងលើនោះលោកសុភាព បានសំណូមពរមនុស្សដែលកេងចំណេញថា៖«សូមឲ្យលោកអ្នកដែលមានគំនិត ឆ្លៀតឱកាសពិចារណាឡើងវិញព្រោះយើងសុទ្ធតែជាកូនខ្មែរដូចគ្នា ចាំបាច់អីទៅកេងប្រវ័ញ្ចគ្នាដល់ថ្នាក់ហ្នឹងឬអ្នកទាំងនោះគិតថា វានឹងអាចក្លាយជាអ្នកមានតែក្នុងមួយថ្ងៃហ្នឹង»៕

ប្រភព ៖ ភ្នំពេញប៉ុស្តិ៍

Wednesday, October 31, 2012

កង្វល់របស់ប្រជាពលរដ្ឋក្នុងពេលចូលរួមកាន់ព្រះរាជមរណទុក្ខ

No comments:

Post a Comment