អបាយមុខ

កូនសម្លាញ់...!

អបាយមុខផ្សេងៗ ដូចជា ស្រា ស្រី ល្បែង រួមនឹងបារី គ្រឿងញៀនផងដែរ គ្រប់គ្នាសុទ្ធតែដឹងថាជារបស់មិនល្អ ជាអ្នកបំផ្លាញលុយកាក់ សុខភាពរាងកាយ ហើយនិងបង្កផលវិបាកឲ្យអ្នកនៅជុំវិញខ្លួនជាច្រើន។ រួមទាំងអ្នកដែលដឹងច្បាស់ហើយ ក៏នៅតែក្លាយជាទាសកររបស់វាទៀត។

ខ្លួនកូនសាកគិតពិចារណាមើលឲ្យច្បាស់បន្តិចទៅថា របស់ទាំងនេះមានដែលឲ្យអ្វីល្អៗដល់អ្នកញៀនដែរទេ មានឲ្យផលល្អស្ថិតស្ថេរដល់អ្នកណាទេ មានដែលធ្វើឲ្យល្អ ឬធ្វើឲ្យយើងមានមុខមាត់ដែរទេ? ឃើញមានតែបំផ្លាញមនុស្ស ធ្វើឲ្យមនុស្សអាប់អន់ ធ្វើឲ្យបាត់បង់ប្រយោជន៍ដោយគ្មានមូលហេតុ ធ្វើឲ្យខាតបង់ពេលវេលា ខូចសុខភាពគ្រប់យ៉ាង។

បើបែបនេះចង់សួរកូនថា បើយើងទៅធ្វើជាទាសកររបស់វា តើវាសមរម្យ ឬមិនសមរម្យទេ ពិចារណាមើលឲ្យច្បាស់។