អំពីទស្សនគតិ

អ្នកល្ងង់ មើលងាយអំពើល្អ ឃើញអ្វីៗតែក្នុងផ្លូវអាក្រក់

ទើបគេស្គាល់តែក្តីអាក្រក់ និងភាពអាប់ឱន

ពេលជួបដុំមាសបែរជាមិនស្គាល់មាស ធ្វើឲ្យឱកាសល្អៗកន្លងហួសទៅ។

អ្នកឆ្លាត ចូលចិត្តធ្វើល្អ ជាប់ជំពាក់តែនឹងអំពើល្អ

ឃើញអ្វីៗសុទ្ធតែល្អ ទើបគេបានទទួលអ្វីល្អៗដោយភាគច្រើន

ដល់ពេលជួបក្តីអាក្រក់ម្តងម្កាល ទៅជាទ្រាំមិនបាន ទប់ចិត្តមិននឹង

បាក់ទឹកចិត្ត ធ្វើឲ្យជីវិតជួបនឹងក្តីចុកចាប់ឈឺផ្សា។

អ្នកមានគតិបណ្ឌិត មិនប្រព្រឹត្តដាច់ខាតនូវអំពើអាក្រក់

ប្រកាន់យកអំពើល្អជាប់ជានិស្ស័យ តែមិនជាប់ជំពាក់

ហើយក៏ដើរហួសពីក្តីល្អឆ្ពោះទៅរកក្តីបរិសុទ្ធ

ទើបគេមើលឆ្លុះទៅដល់ការពិតដែលថា

អ្វីៗលើលោកនេះ មានទាំងគុណ ទោស និងភាពជាកណ្តាល

ទើបគេអាចទប់ទល់ និងទ្រាំទ្របាននូវគ្រប់ស្ថានការណ៍។